ప్రాచీన జ్ఞానం,
శ్రద్ధతో మీ కోసం.

కఱ్ఱ రాజకుమార శర్మ

M.A., M.Ed · ప్రధాన జ్యోతిష్య నిపుణులు, వేదిక్ కనెక్ట్

స్వాగతం

'వేదిక్ కనెక్ట్' (Vedicconnect.in) కు స్వాగతం.

పవిత్రమైన వేద జ్యోతిష్య శాస్త్రాన్ని, ఉపాసనా బలాన్ని మేళవించి, మీ జీవితంలో ఎదురయ్యే సవాళ్లకు సరైన దిశానిర్దేశం చేయడమే లక్ష్యంగా ఈ వేదిక ప్రారంభించబడింది. ఇందులో ప్రధాన జ్యోతిష్య నిపుణుడిగా, మీ శ్రేయోభిలాషిగా నా ప్రయాణాన్ని మీతో పంచుకుంటున్నాను.

1. నా పరిచయం & వంశ పారంపర్యం

   నా పేరు కఱ్ఱ రాజకుమార శర్మ (M.A., M.Ed).

   గొప్ప ఆధ్యాత్మిక, జ్యోతిష్య విద్వాంసుల కుటుంబంలో జన్మించే అదృష్టం నాకు దక్కింది. దైవభక్తి, శాస్త్ర పరిజ్ఞానం నా రక్తంలోనే ఇమిడి ఉన్నాయి.

   నా పితామహులు (తాతగారు) 'చండీ సామ్రాట్' బిరుదాంకితులు కీ.శే. శ్రీ శ్రీ శ్రీ కఱ్ఱ వేంకటేశ్వర శర్మ గారు మరియు కీ.శే. కఱ్ఱ కాత్యాయనమ్మ గారు.

   అలాగే మాతామహులు (తల్లిగారి తండ్రి) 'దైవజ్ఞ శిరోమణి', 'విద్యా వారధి' కీ.శే. శ్రీ శ్రీ శ్రీ రేవనూరు రామ్మూర్తి గారు మరియు కీ.శే. రేవనూరు సులోచనమ్మ గారు. వారి దివ్య ఆశీస్సులతో, నా తల్లిదండ్రులు కీ.శే. కఱ్ఱ సుబ్రహ్మణ్య శర్మ మరియు కీ.శే. కఱ్ఱె స్వర్ణ రేఖమ్మ గారి పుణ్యఫలంతో నా ఈ ఆధ్యాత్మిక ప్రయాణం ప్రారంభమైంది.

2. నా ప్రస్థానం & గురు కృప

   గత 15 సంవత్సరాలుగా ఆంగ్ల ఉపాధ్యాయునిగా వేలాది మంది విద్యార్థులకు విద్యాబుద్ధులు నేర్పుతూనే, మరోవైపు జ్యోతిష్య, వాస్తు శాస్త్రాలపై లోతైన అన్వేషణ కొనసాగించాను.

   నా ఈ సుదీర్ఘ ప్రయాణంలో అడుగడుగునా నాకు అండగా నిలిచిన నా సహధర్మచారిణి చి.ల.సౌ. కఱ్ఱ వీణ పాణి సహకారం ఎంతో అమూల్యమైనది.

   2019లో నా జీవితం ఒక అద్భుతమైన మలుపు తిరిగింది. 'కమలాకర' బిరుదాంకితులు, శ్రీ లక్ష్మీ నరసింహ స్వామి ఉపాసకులు అయిన మా శ్రీమతి తాతగారు కీ.శే. కరణం చింతామణి నరసింహయ్య గారు జ్యోతిష్య శాస్త్ర మర్మాలను, దేవీ దేవతా ఉపాసన విధానాలను నాకు సంపూర్ణంగా అనుగ్రహించారు.

   అనంతరం 2020లో మహాగణపతి ఉపాసకులు శ్రీ శ్రీ శ్రీ వీరభద్ర రావు గురువుగారి దివ్య ఆశీస్సులతో 'ఉచ్ఛిష్ట గణపతి' సహిత 'ప్రత్యంగిరా దేవి' ఉపాసన దీక్షను స్వీకరించాను. ఈ ఉపాసనా బలంతో నా జ్యోతిష్య విశ్లేషణలకు దైవిక శక్తి తోడైంది.

   

3. సేవా దృక్పథం - వేదిక్ కనెక్ట్ ఆవిర్భావం

   ఒకప్పుడు ఆంగ్ల ఉపాధ్యాయుడిగా విద్యార్థులకు మార్గదర్శనం చేసిన నేను, నేడు ఆ అమ్మ కృపతో, పితృదేవతలు మరియు గురువుల ఆశీస్సులతో ఎంతో మంది జీవితాలకు సన్మార్గాన్ని చూపే అవకాశం పొందాను. జ్యోతిష్యం, ప్రశ్న శాస్త్రం, హస్తసాముద్రికం, వాస్తు మరియు సంఖ్యా శాస్త్రాలలో విశేషమైన అనుభవాన్ని గడించి, కచ్చితమైన పరిష్కారాలు చూపుతున్నాను.

   నా ఈ ప్రయాణంలో దేవుడిచ్చిన సోదర సోదరీమణుల సహకారం మరువలేనిది. ముఖ్యంగా, నా జ్యోతిష్య జ్ఞానాన్ని మరింత మందికి చేరువ చేయడానికి, ఈ డిజిటల్ వేదిక ద్వారా మీ ముందుకు రావడానికి ముఖ్య కారకులు నా సోదరుడు వినోద్ బాబు. భవిష్యత్తులో సర్వజన శ్రేయస్సు కోసం, శాస్త్ర ఆధారితంగా అనేక శాంతి కార్యక్రమాలను విస్తృతంగా నిర్వహించాలన్నదే మా సంకల్పం.